Bîlançoya lêhiya Lîbyayê: 11 hezar û 300 kes mirine, 10 hezar kes winda ne
Li gorî Heyva Sor a Lîbyayê li bajarê Dernayê ya ku lêhiyê lê xistibû heta niha li gorî tespîtên wan 11 hezar û 300 kesan jiyana xwe ji dest daye û herî kêm 10 hezar kes jî winda ne.
Şaredarê Dernayê Abdulmenam Al-Ghaîthî diyar kir ku di lêhiyê de kesên jiyana xwe ji dest dane dibe ku nêzî 20 hezarî bibe.
Heyva Sor a Lîbyayê jî destnîşan kir ku li bajarê Dernayê, heta niha 11 hezar û 300 kesan jiyana xwe ji dest dane.
Hêjayî gotinê ye ku di encama lêhiyê de du bendavên li Dernayê teqiyabûn û herî kêm 30 milyon metrekup avê her tişt dabû ber xwe.
