Şêniyên herêma Firatê şehîdên meha Tebax û Tîrmehê bi bîr anîn
Bi sedan şêniyên herêma Firatê şehîdên meha Tebaxê û Tîrmehê bi pêxistina mûm li ser gorên wan bi bîranîn.
Meclisa Malbatên Şehîdan a herêma Firatê, bi sedan şênî û saziyên herêmê, şehîdên meha Tebaxê û Tîrmehê li goristana Şehîd Dicle ya li başûrê bajarê Kobanê bi pêşxistina mûm li ser gorên wan bi bîr anîn.
Di merasîma bîranînê de Rêveberiya Jin a Meclisa Malbatê Şehîdan a Navçeya Çelebiyê Cîhan Elî axivî û got: “Divê êdî rê li pêşiya koçberkirina ciwanan bê girtin û divê hîn zêde em xwedî li ciwan û şehîdên xwe derkevin. Her ku qala DAÎŞ’ê tê kirin, dewleta Tirk dîsa êriş herêmê dike. Divê em li hember pêla koçberiya ciwanan bisekinin, xwedî li şehîd û ciwanên xwe derkevin, divê em xwedî li wan hewldanên avakirina civakeke azad derkevin."
Piştre şehîd li ser gorên wan bi pêxistina mûm hatin bibîranîn.
(eş/şx)
ANHA
