Meclisa Giştî ya Rêveberiya Xweser qanûna têkoşîna li dijî pereyên nerewa erê kir

Meclisa Giştî ya Rêveberiya Xweser a Bakur û Rojhilatê Sûriyeyê, di civîna xwe ya bi hejmar 84`an de, qanûna têkoşîna li dijî pereyên nerewa erê kir.

NÛÇE

30 tebax, 2023 14:24

REQA

Nûnerên Nivîsgeha Dirav û Mûçedanê ya Bakur û Rojhilatê Sûriyeyê, endamên Meclisa Giştî ya Rêveberiya Xweser a Bakur û Rojhilatê Sûriyeyê, endamên Meclisa Qanûnsaz a Rêveberiyên Xweser û Sivîl ên Bakur û Rojhilatê Sûriyeyê, cigîra Meclisa Rêveber a Rêveberiya Xweser a Bakur û Rojhilatê Sûriyeyê Emîne Osê di civînê de hazir bûn ku li hola civînan a avahiya Rêveberiya Xweser a li Reqayê li dar ketiye.

Di civînê de cîgirê hevserokatiya Melisa Giştî Yasir El Silêman reşnivîsa qanûnê xwend ku ji 65 bendan pêk tê. Jê ya herî girîng qanûna pereyên nerewa û fînansekirina terorê, belavkirina çekên nukleerî, erkên saziyên malî, nivîsgeh û şîrketên vaguhastina pereyan, girankirina cezayan, cezayê nepêkanîna biryarên Meclisa Ewlehiyê û cezayên navneteweyî.

Piştî nîqaşkirina bendên qanûnê û pêkanîna hin guhertinan, beşdaran qanûn erê kir. Bi wê re biryar di roja derxistinê de dikeve meriyetê.

(şx)

ANHA