Li dijî şidandina tecrîdê bangên gel

Zêdetirî 22 mehan e bi tu rengî agahî ji Rêber Abdullah Ocalan û her sê girtiyên din ên li Îmraliyê agahî nayê girtin. Herî dawî dewleta Tirk a dagirker 3 mehên hevdîtina bi parêzeran û malbatê re li Rêber Ocalan qedexe kirin.

Têkildarî mijarê şêniyên kantona Qamişloyê ji ajansa me re axivîn.

Meryem Mihemed destnîşan kir ku divê rê li ber hevdîtina Rêber Ocalan bê vekirin û got: “Tê xwestin ku li hemberî vê tecrîdê gel xwe bike yek.”

‘EM FEDAIYÊN SEROK APO NE’

Fesla Mûsa jî anî ziman ku ji ber tecrîdê ew nizanin rewşa Rêber Ocalan çawa ye û tekez kir ku ew fedaiyên Rêber Ocalan in.

Fesla berdewamkirina tecrîdê ji milê dewleta Tirk a dagirker ve şermezar kir û bang li kurdistaniyan û hêzên navneteweyî kir bi heqî û wekhevî tev bigerin.

‘RÊBERÊ GELAN E’

Xalib El Sadûn jî bal kişand ku Rêber Abdullah Ocalan ne tenê serokê Kurdan e, ew rêberê hemû gelên ku bawariya wan fikrê neteweya demokatîk tê ye û wiha dom kir: “Ji ber ku fikrên wî li herêmê û Rojhilata Navîn belav dibin, Rêber Ocalan di bin tecrîdeke giran de ye. Ev tecrîd rêgirtina li ber felsefeya rêber Ocalan e ku kilîta çareserkirina pirsgirêkên civakê ye.”

'SIYASETA TECRÎDÊ LI DIJÎ RÛMETÊ YE'

Ji bo bêdengî û helwesta rêxistinên mafê mirovan û yên hiqûqî yên der barê dirêjkirina tecrîda li dijî Rêber Ocalan de, El Sadûn got: “Divê çavê xwe li tecrîdê vekin û bişopînin. Em bang li hemû kesên biwijdan dikin ku ji bo bidawîkirina tecrîdê kar û xebatê bikin.”

Mihemed Zêdan jî diyar kir ku siyaseta dewletên komploger ên li ser Rêber Ocalan, siyaseteke li dijî rûmet û azadiyê ye û got: “Rêber Abdullah Ocalan bi ramanên xwe banga azadî, demokrasî, mirovahî û yekitiya gelan dike. Ev fikr hevgirtina gelên Rojhilata Navîn xurt dike.”

Ebdurehîm Îsa jî da zanîn ku hemû pêkhateyên li Bakur û Rojhilatê Sûriyê li derdora fikrên Rêber Ocalan dibin yek û ji bo fedaîtiyê jî amade ne.

ANHA