Li Hesekê cenazeyê şehîd Mihemed Nedam bi merasîmeke girseyî hate veşartin

Şêniyên Hesekê cenazeyê şehîd Mihemed Ebdullah Nedam ku şervanê QSD`ê bû, li Goristana Şehîd Dijwar a li gundê Dawûdiye veşart.

NÛÇE

13 tîrmeh, 2022 18:07

HESEKÊ

Bi sedan şêniyên bajêr, tev li merasîma oxirkirina şehîd Mihemed Ebdullah Nedam (Egîd Hesekê) bûn ku li Goristana Şehîd Dijwar a li gundê Dawûdiye li dar ketiye.

Di merasîmê de, bi navê Meclisa Malbatên Şehîdan Fatme Hisên axivî û sersaxî da malbatên şehîdan û bang li şêniyên Bakur û Rojhilatê Sûriyê kir ku li rex hêzên leşkerî bin û li hember êrişên dagirkeriya Tirk bisekinin.

Her wiha di merasîmê de, fermandarê Meclisa Leşkerî ya Hesekê Demhat Dêrik aixvî û got: “Şehîd Mihemed Nedam, xwedî taybetmendiyên esilzade bû û xwedî li fikr û felsefeya rêber Abdullah Ocalan derket û giyanê wî yê hevaltiyê bilind bû.”

Demhat Dêrik wiha domand: “Şehîd Mihemed di oxira parastina welatê xwe û hemû pêkhateyan de şehîd bû.”

Paşê wesîqeya şehadeta şehîd ji aliyê endama Meclisa Malbatên Şehîdan Rojda Ehmed ve hate xwendin û radestî malbatê hate kirin.

Di dawiya merasîmê de, şêniyan cenazeyê şehîd Mihemed Nedam di nav tilîliyên dayîkan de spartin axê.

(şx)

ANHA