Li Helebê semînerek li ser kelepûra gelê Kurd hate dayîn

Semîner li navenda Malbenda Heleb a Rewşenbîr ya li rojhilatê taxê bi beşdariya bi dehan hunermend, rewşenbîr, endamên partiyên siyasî û saziyên sivîl li dar ket.

KELEPÛRA GELEKÎ NASNAMEYA NETEWEYÎ YE

Semîner bi rêzgirtinê dest pê kir, piştre endamê Partiya Demokrat Kurd li Sûriyê Mihemed Elî behsa kelepûra gelan kir û got: "Ew yek ji girîngtirîn nîşaneyên nasnameya neteweyî ya gelan e. Kelepûra kurdî jî rastiya çand û taybetmendiyên kesayeta kurdî îfade dike."

Elî da zanîn ku çand û kelepûr îşaretê bi bawerî û bendên gelan jî dike û gencîneke dewlemend a zexm e ya dîroka pêşketin, mezinbûn û zanebûnê  wan  e û wiha domand:" Ji lewma gelan stranên gelerî ku ji serdemekê derbasbûyî serdemeke din bûye wekî veguhestina adad û tecrûbeyên wan ên jiyanê û çandê tê naskirin, ji ber ku ev hêsantirîn rêbazê veguhestina kelepûr a ji çîneke gelerî ber bi çîneke din ve ye."

TÊGEHA FOLKOR E

Elî têkildarî pênaseya têgeha folkolr diyar kir ku ew têgeheke û di sedsala 19`an de ji aliyê zanyarê arkolok ê îngilîzî James William Thomas ve hatiye danîn û dûvre hemû zanyarên din wekî têgeh bi kar anîn.

Elî got: "Beriya em folklore û cureyên wê bidin nasîn, divê em wateya wê diyar bikin ku ew jî têgeheke ji du gotinan pêk tê, ya yekemîn Folk ku tê wateya gel û ya duyemîn jî lor jî tê wateya komeke ji zanist û tecrûbeyan û zanyaran û afirandinên ku gelekî diyar afirandine."

Mihemed Elî destnîşan kir ku gelê Efrînê di veguhestina çîrokan û wêjeya devokî de roleke girîng lîst.

ꞌDIVÊ EM PARASTINA KELEPÛRA  XWE BIKINꞌ

Endamê Komîteya Navendî ya Partiya Demokrat Kurd li Sûriyê (Konferans) Remzî Şêxmûs axivî û behsa efsaneya stranên kurdî û pêşketina wê kir û got, pêşkêşkirina hunermendan yek ji hîmên bingehîn ê ku parastina kelepûrê ji wendabûnê kir û têgehên nû û kevn  li zimanê kurdî zêde kir.

Şêxmûs navê çend hunermendan rêz kir, ji wan hunermend Ibrame Terko yê ji gundê Kordan ku di sala  1881`ê de li gundê Ceqlê ji dayîk bûye û gelek hunermend li ser destên wî mezin  bûn, ji wan Ebdurehman Umer ê ku bi navê Bavê Selah tê naskirin.

DENGBÊJIN GELERÎ

Di berdewama semînerê de Remzî Şêxmûs behsa hin hunermendên stranên gelerî kir, ji wan Umer Cemlo, Ebdurehamn Umer (Bavê Selah), Mihemed Elî Tico û Abrama Tirko .

ꞌBI KOÇKIRINA MEZINAN RÊWÎTÎ BI DAWÎ NEBÛꞌ

Remzî Şêxmûs da zanîn ku rêwîtiya strana kelepûrî yan jî efsûnî bi koçkirina mezinan bi dawî nebû  û got: "Lê belê berdewam kir û ji nifşekî derbasî nifşekî din bû ku ew jî stranbêj Mihemed Welîd ku bi strana Şêx Seîd û Derwêşê Evdî hate naskirin, her wiha Ehmedê Xanê û Elî Dawûd."

Di dawiya semînerê de nîqaşên li ser mijaran hate kirin û beşdaran soza parastina kelepûr û çandê Kurdan û pêşxistina wê ya ji nifşekî ber bi nifşekî da.

(eh)

ANHA