Şêniyên Cizîrê sersaxî da malbata şehîd Ebduselam El Nasir

Şêniyên bajarên kantona Cizîrê sersaxî da malbata şervanê QSD'ê şehîd Ebduselam Hemed El Nasir û soza parastina mîrasa şehîdan dubare kir.

ROJANE

29 îlon, 2025 19:28

QAMIŞLO

Meclisa Malbatên Şehîdan a bajarê Çilaxa merasîma sersaxiyê ya şervanê Hêzên Sûriya Demokratîk (QSD) şehîd Şiyar (Ebduselam El Nasir) li gundê Şebek li dar xist.

Ji bo sersaxiyê şêniyên bajarên Çilaxa, Girkê Legê, Dêrik, Til Koçer û Tirbespiyê û nûnerên saziyên sivîl û leşkerî û partiyên siyasî beşdar bûn.

Di serî de endamê Meclisa Malbatên Şehîdan a Dêrikê Ebduselam Nasir teqezî bi girêdana bi mîrasa şehîdan da û soza pêkanîna azadî û aştiyê dubare kir.

Malbatên herdu şehîdan Egîd Gabar û Zagros ên ku bi şehîd Şiyar re şehîd bûne got ku xwîna şehîdan yekitî û aramiya gelan misoger dike.

Endama Kongra Star a bajarê Girkê Legê Tesnîm Ehmed jî soza domandina rêya şehîdan dubare kir.

Piştre endamê Kongreya Îslama Demokratîl a bajarê Çilaxa Mela Mehmûd Hemîd ayetên ji Quranê yên li ser şehadet û şehîdan xwendin.

Di dawiya merasîmê de wesîqeya şehîd ji bo malbata wî hat radestkirin.

(mh)