Rojavayê Kurdistanê piştgiriyê dide Colemêrgê
Jinên Rojavayê Kurdistanê piştgiriya xwe ji berxwedana gelê Colemêrgê ya bi pêşengtiya jinan li dijî siyaseta qeyûman nîşan da û got: "Em bi we re ne, serhildana her parçeyekî Kurdistanê serhildana me tevan e."
Ji zêdetirî hefteyekê ye gelê Bakurê Kurdistanê li hember desteserkirina şaredariyan, destgîrkirina hevşaredaran, erkdarkirina qeyûman ji hêla dewleta Tirk a dagirker ve li qadan e. Nexasim piştî şaredarê Colemêrgê hat destgîrkirin û cezayê 19 sal û 6 meh li wî hat birîn. Li hember vê berxwedana gel, gelê Rojavayê Kurdistanê, Bakur û Rojhilatê Sûriyeyê piştgiriyeke mezin nîşan dide.
Girêdayî wê, welatiya bi navê Hefîza Omer berxwedana Colemêrgê ya bi pêşengtiya dayikan silav kir û got: "Li her derê Kurdek hebe em piştgiriyê didin wî."
Hefîza wiha domand: "Serhildana jinan li 4 parçeyên Kurdistanê ne ji îro de ye, lê belê xwe dispêre dîrokeke dirêj a li dijî desthilatdariyê."
Li aliyekî din jî Semîra Hesen têkoşîna jinan di nava zexta dewleta Tirk a dagirker de silav kir û destnîşan kir ku berxwedana wan ji hemû plan û komployên dagirkeran xurtir e.
Emîne Salih jî piştgirî da serhildana gelê Colemêrgê, sûc û binpêkirinên li dijî wî şermezar kir û got: "Em bi we re ne, piştigiriyê didin serhildana we, binpêkirin û sûcên li dijî we şermezar dikin."
Emîne wiha gotina xwe bi dawî kir: "Em jinên Kurdistanê xwedî îradeya xurt in û dikarin serkeftinê bi dest bixin. Em piştgiriya xwe ji dayikên Bakurê Kurdistanê re bi taybetî dayikên Colemêrgê nîşan didin"
(mh)
ANHA
Rojavayê Kurdistanê piştgiriyê dide Colemêrgê
Ji zêdetirî hefteyekê ye gelê Bakurê Kurdistanê li hember desteserkirina şaredariyan, destgîrkirina hevşaredaran, erkdarkirina qeyûman ji hêla dewleta Tirk a dagirker ve li qadan e. Nexasim piştî şaredarê Colemêrgê hat destgîrkirin û cezayê 19 sal û 6 meh li wî hat birîn. Li hember vê berxwedana gel, gelê Rojavayê Kurdistanê, Bakur û Rojhilatê Sûriyeyê piştgiriyeke mezin nîşan dide.
Girêdayî wê, welatiya bi navê Hefîza Omer berxwedana Colemêrgê ya bi pêşengtiya dayikan silav kir û got: "Li her derê Kurdek hebe em piştgiriyê didin wî."
Hefîza wiha domand: "Serhildana jinan li 4 parçeyên Kurdistanê ne ji îro de ye, lê belê xwe dispêre dîrokeke dirêj a li dijî desthilatdariyê."
Li aliyekî din jî Semîra Hesen têkoşîna jinan di nava zexta dewleta Tirk a dagirker de silav kir û destnîşan kir ku berxwedana wan ji hemû plan û komployên dagirkeran xurtir e.
Emîne Salih jî piştgirî da serhildana gelê Colemêrgê, sûc û binpêkirinên li dijî wî şermezar kir û got: "Em bi we re ne, piştigiriyê didin serhildana we, binpêkirin û sûcên li dijî we şermezar dikin."
Emîne wiha gotina xwe bi dawî kir: "Em jinên Kurdistanê xwedî îradeya xurt in û dikarin serkeftinê bi dest bixin. Em piştgiriya xwe ji dayikên Bakurê Kurdistanê re bi taybetî dayikên Colemêrgê nîşan didin"
(mh)
ANHA
