Dewleta Tirk bombe li gundekî Binarê Qendîlê barandin
Balafirên şer ên dewleta Tirk a dagirker gundê Silê ya li Binarê Qendîlê bombebaran kir. Hate diyarkirin ku ji ber bombebaranê li jîngeha herêmê şewat derket.
Li gorî nûçeya Rojnewsê, balafirên şer ên dewleta Tirk a dagirker duh bi şev gundekî Binarê Qendîlê bombebaran kir. Hevserokê Şaredariya Binarê Qendîlê Dilşêr Îbrahîm derbarê êrişê ji Rojnewsê re axivî.
Dilşêr da zanîn ku balafirên şerên dewleta Tirk a dagirker gundê Silê yê ser bi Binarê Qendîlê ve bombebaran kir.
Li gorî agahiyan di encama êrişê de ti ziyanek canî çênebûye, lê jîngeha herêmê şewitiye.
