Ciwanên Dêrazorê li hember êrişên dewleta Tirk desteka gerîla kirin

Tevgera Ciwanên Şoreşger û Yekitiya Jinên Ciwan a rojavayê Dêrazorê li hember êrişên dewleta Tirk a dagirker xwepêşandanek bi dirûşma “Li hember xiyaneta Barzanî serî hildin û cenga azadiyê ser bixin” li dar xist. Ciwanan heta pêkanîna serkeftinê teqezî bi piştgiriya berxwedana gerîla kir.

17 îlon, 2023 19:55

Xwepêşandan li herêma 7 Kîlo ya rojavayê Dêrazorê dest pê kir. Endamên Tevgera Ciwanên Şoreşger, Yekitiya Jinên Ciwan û endamên Meclisa Kombûna Jinan a Zenbûya tev li xwepêşandanê bûn.

Xwepêşandêr ta avahiya Hêzên Ewlekariya Hundirîn a herêma 7 Kîlo meşiyan.

Li wir, endamê rêveberiya Tevgera Ciwanên Şoreşger a Rojavayê Dêrazorê Malik daxuyaniyek xwend.

Di daxuyaniyê de hate gotin: “Li hember êrişên dewleta Tirk a faşîst û dagirker yên li dijî Herêmên Parastinê yên Medyayê û gerîla, me xwepêşandana xwe bi pêşengiya ciwan û jinan li dar xist. Em armanc dikin ku dagirkeriyê û hewldanên wê yên faşîst ji bo kontrolkirina herêmên me û Başûrê Kurdistanê têk bibin. Tu dewlet nikare van beşan dagir bike.

Em gelekî, em dê biratiya gelan û felsefeya Rêber Abdullah Ocalan heta rizgarkirina Kurdistanê û herêmên dagirkirî yên Sûriyeyê li ber xwe bidin û tê bikoşin.”

ANHA