Mîhrîcana Şehîd Ronahî Bawer di roja duyemîn de dewam dike

Di roja duyemîn a Mîhrîcana Şehîd Ronahî Bawer a Govendan de huner û kevneşopiya pêkhateyên Bakur û Rojhilatê Sûriyeyê hatin pêşandan.

NÛÇE

17 îlon, 2023 19:56

6′emîn Mîhrîcana Şehîd Ronahî Bawer a Govendên Gelêrî duh li ser dika Navenda Çand û Hunerê ya Aram Tîgran a li bajarokê Rimêlan a kantona Qamişloyê dest pê kir. Ji Heleb û herêmên Bakur û Rojhilatê Sûriyeyê 23 komên govendê beşdarî mîhrîcanê bûne.

Mîhrîcan di roja duyemîn de bi beşdarbûneke xurt a şêniyên kantona Qamişloyê dewam dike û komên nû daketin ser dikê û hunerên xwe nîşandan. Koma Stêrkên Efrînê ya ji Helebê, koma Qereçox a Xweser a ji herêma Koçerat a Dêrikê, Koma Çekdar Ereb a govendên erebî ya ji Rimêlanê govend pêşkêş kirin. Her wiha koma Yerthona Suryan a ji kantona Qamişloyê, koma Şehîd Dîlan Ereb a Xweser a Ji navçeya Til Birakê govend pêşkêş kirin. Piştre koma Kevneşopî ya Tebqayê govendên folklorî ya herêma Tebqayê pêşkêş kirin.

Di dawiya roja duyemîn a mîhrîcanê de koma Şehîd Sosin Bîrhat a ji Til Temirê û koma Şehîd Welat a ji Qamişloyê govendên kurdî û erebî gerandin.

(bb)

ANHA