Şêniyên Efrîn û Şehbayê cenazeyê şehîd Sîpan Efrîn oxir kir

Şêniyên kantona Efrîn û Şehbayê li goristana şehîdên Berxwedana Serdemê ya navçeya Ehrezê ya kantona Şehbayê ji bo oxirkirina cenazeyê şervanê Yekîneyên Patastina Gel (YPG) Subhî Îbrahîm (Sîpan Efrîn) ku di 14’ê Îlonê de li Helebê şehîd bûbû kom bûn. Her wiha nasnameya gerîlaya Hêzên Parastina Gel (HPG) Rojda Mahîr hate aşkerakirin ku li Herêmên Parastinê yên Medyayê şehîd bûye.

Di serî de rêveberê Meclisa Malbatên Şehîdan a kantona Efrîn û Şehbayê Hesen Berko sersaxî da malbatên herdu şehîdan û fedakariya şehîdan û rola wan di pêşengiya Şoreşa 19'ê Tîrmehê de silav kir.

Berko bal kişand ser berxwedana dîrokî ya HPG'ê ya li Herêmên Parastinê yên Medyayê û hevkariya Partiya Demokrat a Kurdistanê (PDK) bi dewleta Tirk a dagirker re û got: "Em ê heta rizgarkirina Efrînê rêya berxwedanê bişopînin."

Her wiha, rêvebera Meclisa Navçeya Ehdas Newroz Efrîn der barê siyasetên li dijî herêmê yên dorpêçê û şer taybet de axivî.

Newroz bang li şêniyan kir ku guh nedin planên qirêj û asta berxwedan û têkoşînê bilind bikin.

Endama Komîteya Fêrkirina Civaka Demokratîk Rûken Ehmed wesîqeyên şehadeta şehîdan xwendin û radestî malbatên wan kirin.

Piştre cenazeyê şehîd Sîpan Efrîn di nav tilîliyên dayikan de hat oxirkirin.

(mh)

ANHA