Şêniyên Reqayê sersaxî da malbatên şehîdan

Şêniyên Reqa, endamên Meclisa Malbatên Şehîdan ên Tebqa û Reqayê, meclisa giştî û meclisên gel ên Reqayê û gundewarên wê berê xwe da konê sersaxiyê yê 5 şervanên Lîwa El Şîmal El Demokratî; Mihemed Mahir Helîb, Feyad Terad El Ebdullah, Xalid Hemod Zêno, Mihemed Omer El Taha û Mistefa Xalid Xetîb. Ev şervan di 29′ê Tebaxê de di çarçoveya Operasyona ′Xurtkirina Ewlehiyê′ de şehîd bûbûn. Konê sersaxiyê li navenda Meclisa Kesk a Idlibê ya li Reqayê hate vedan.

Di merasîmê de bavê şehîd Xalid Zêno axivî û rola şehîd û fedakariyên wan ên pêkanîna ewlehiyê silav kir.

Her wiha hevserokê Meclisa Malbatên Şehîdan a Reqayê Ehmed El Hemod soz da ku ew ê li ser rêça şehîdan bimeşin û tola wan hilînin.

Hevserokê Meclisa Giştî ya Reqayê Luey El Îsa axivî û wiha got: "Şehîd di oxira parastina şêniyên Dêrazorê û pêkanîna ewlehiyê, her wiha têkbirina fitneya ku dewleta Tirk a dagirker, rejîm û Îranê derdixin de canê xwe da."

El Îsa wiha domand: "Em şêniyên Idlib û Lîwa El Şîmal silav dikin û li kêleka wan in û em bi saya şehîdan bi ewle dijîn."

Merasîm bi diruşma ′şehîd namirin′ bi dawî bû.

(fr)

ANHA