​​​​​​​Cenazeyê şehîd Mihemed Feysel li Tirbespiyê hat veşartin

Şervanê Hêzên Sûriya Demokratîk (QSD) Mihemed Feysel (Dijwar) 27'ê Tîrmehê di qezaya perwerdeyê de şehîd bûbû.

Şêniyên navçeya Tirbespiyê cenazeyê şehîd Mihemed Feysel bi merasîmekê li Goristana Şehîd Dilşêr a navçeyê spart axê.

Li goristanê endamê Meclisa Malbatên Şehîdan a Tirbespiyê Mihemed Îbrahîm axivî û sersaxî ji malbata şehîd re xwest.

Îbrahîm soza domandina têkoşînê da û anî ziman ku bi saya fedakariyên şehîdan hevgirtina gelê Bakur û Rojhilatê Sûriyeyê xurt bûye.

Di merasîmê de endamê Nivîsgeha Têkiliyan a Meclisa Leşkerî ya Qamişloyê Mihemed Zêdan got: “Wekî hêzên leşkerî me soza parastina herêmên Bakur û Rojhilatê Sûriyeyê daye, berdêl çi qas giran be jî em bi sozê ve girêdayî ne heta ku ewlehî û aramî li herêmê pêk werin.”

Bi navê malbata şehîd Mihemed Feysel, apê wî Inad Xelef jî bal kişand ser fedakariya şehîd Mihemed a ji bo jiyaneke azad û birûmet û got: "Em bi şehadeta wî serbilind in."

Piştî axaftinan, wesîqeya şehadetê ya şehîd Mihemed Feysel hat xwendin û radestî malbata wî hat kirin. Cenazeyê şehîd tevî tilîliyên dayikan hatin veşartin.

(bb)

ANHA