Ciwanên Dêrazorê soza domandina têkoşînê heta pêkanîna azadiya rêber Abdullah Ocalan da

Bangewaziyên pêkanîna azadiya fîzîkî ya rêber Abdullah Ocalan li Bakur û Rojhilatê Sûriyê û herêmên cuda yên cîhanê zêde dibin.

Ev bangewazî di demekê de ku ji zêdetirî 22 mehan ve agahî ji rêber Abdullah Ocalan nayê girtin, tên kirin. Gel, tevgerên siyasî, jin û ciwan ji ber vê rewşê metirsîdar in.

Piştî ku CPT`ê encamên serdana xwe ya dawîn a Îmraliyê eşkere nekir, metirsiyên têkildarî tenduristiya rêber Abdullah Ocalan zêde dibin.

Der barê mijarê de berdevkê Ciwanên Partiya Sûriya Pêşerojê ya rojhilatê Dêrazorê Islam El Îsa axivî û banga eşkerekirina tenduristiya rêber Abdullah Ocalan kir.

Hevserokê Meclisa Ciwanan a Herêma Navîn a Dêrazorê Ebdullah El Mûsa got heta pêkanîna azadiya fîzîkî ya rêber Abdullah Ocalan û azadiya gelan têkoşîn û berxwedana wan berdewam e.

Endamê Tevgera Ciwanên Şoreşger a gundê Ebû Herdûb ê navçeya Zubiyan a rojhilatê Dêrazorê Xelîl El Feyad êrişên dewleta Tirk a dagirker ên li dijî herêmên Bakur û Rojhilatê Sûriyê û tecrîda li ser rêber Abdullah Ocalan şermezar kir.

(şx)

ANHA