Şêniyên Helebê sersaxî da malbata şehîd Kemal Çiya

Bi sedan endamên saziyên sivîl, partiyên siyasî, Hêzên Ewlekariya Hundirîn, YPJ′ê û YPG′ê berê xwe da konê sersaxiyê. Meclisa Malbatên Şehîdan konê sersaxiyê li qada şehîdan a li rojavayê taxa Şêxmeqsûdê ya Helebê vegirt.

Di bin konê sersaxiyê de berdevkê YPG′ê ya Helebê Hemze Heleb axivî û sersaxiya malbata şehîd, rêber Abdullah Ocalan û gerîlayên li çiyayên azad xwest.

Hemze Heleb wiha domand: "Em li vir rojane şehîdan oxir dikin, lê weke me soz daye şehîdên şoreşê û rêber Ocalan em ê tola şehîdan hilînin."

′EM AMADE ROJANE ŞEHÎDAN BIDIN′

Hemze Heleb wiha domand: "Em amade ne rojane şehîdan bidin, li qadan bin û li eniyan bin. Li gel dijmin tu belge neman û ew ber hilweşînê ve diçe. Ji lew re her tiştî li dijî me bi kar tîne; kîmyewî, balafiran û çekên giran. Lê em serî natewînin, ji ber em xwe dispêrin fikir û felsefeya rêber Ocalan."

Li aliyekî din jî Hevserokê Meclisa taxa Şehîd Cengîz Elî Şêx wiha got: "Me bi felsefeya şehîdan gavên pir mezin avêtin. Divê dijminên mirovahiyê nefikirin ku em ê serî ji komkujiyên wan re deynin."

Elî Şêx wiha domand: "Em ê wek li kêlek berxwedan gerîla bisekinin. Gel azadî û demokrasiyê dixwaze û em ê di aliyên siyasî û dîplomasî de li kêlek wan bisekinin. Em ne poşman in ku rojane li qadan û li kêlek şervanên xwe yên li eniyan bin."

Li ser navê malbata şehîd, xwişka şehîd Roken Aza axivî û wiha got: "Bi serbilindî me şehîd Kemal pêşwaz kir û em şehîdê xwe diyarî çar parçeyên Kurdistanê, gerîlayên serê çiyan û rêber Ocalan dikin. Rêya şehîdan rêya azadiyê ye."

Roken diyar kir ku ew ê li ser şopa şehîdan bin û wiha gotina xwe bi dawî kir: "Em li vir soza xwe nû dikin ku em li ser rêça şehîdan bin, li qadan bin û her tim amade bin."

Di dawiyê de wesîqeya şehîd hate xwendin û radestî malbatê hate kirin.

(fr)

ANHA