Şehîd Hevrîn Xelef li Helebê hat bibîranîn

Şehîd Hevrîn Xelef di salvegera şehadeta xwe ya 4ʹemîn de li Helebê hat bibranîn.

11 cotmeh, 2022 12:21

HELEB

Sekretêra Giştî ya berê ya Partiya Sûriya Pêşerojê Hevrîn Xelef 12ʹê Cotmeha 2019ʹan di encama kemîna çeteyên dewleta Tirk a dagirker de li ser rêya Minbic – Qamişlo şehîd bû.

Bi boneya salvegera 4ʹemîn a şehadetê wê, Meclisa Helebê ya Partiya Sûriya Pêşerojê merasîmê bîranînê li dar xist.

Merasîm li hola civînan a beşê rojava yê taxa Şêxmeqûsdê hat lidarxistin. Piştî deqeya rêzgirtin, seroka Meclisa Helebê ya Partiya Sûriya Pêşerojê Xalida Ebdo axivî behsa jiyan û têkoşîna şehîd Hevrîn Xelef kir.

Xalida Ebdo diyar kir ku şehîd Hevrîn Xelef roleke mezin di xurtkirina biratiya gelan a navbera pêkhateyên herêmê de list û di avakirina Rêveberiya Xweser de cih girt.

Seroka Meclisa Helebê ya Partiya Sûriya Pêşerojê Xalida Ebdo got ku şehadeta Hevrîn Xelef ji bo partiyê windayek û soza şopandina xeta wê ta pêkanîna hêviyên wê yên avakirina welatekî azad da.

Piştî axaftina Xalida Ebod sînevîzyonek li ser jiyana şehîd Hevrîn Xelef û parvekirinên malbat û hevreyên wê hat pêşandan.

ANHA