Cenazeyê şehîdê QSD'ê Ciwan Bozan li Dêrikê hat veşartin

Şêniyên navçeyên Dêrik û Girkê Legên cenazeyê şervanê QSD'ê Ciwan Bozan ê dema erka xwe bi cih dianî li Girkê Legê şehîd bû, bi merasîmekê li Pakrewangeha Şehîd Xebat Dêrik spartin axê.

Şêniyan cenazeyê şehîd ji ber Nexweşxaneya Şehîd Hogir wergirt û bi karwanekî ber bi pakrewangehê ve ketin rê.

Li pakrewangeh  deqeyeke rêz hate girtin. Ji fermandarên QSD'ê Mihyedîn Xêrkê axivî û got: "Malbata şehîd kêliyekî j parastina nirxên şoreşgerê ranewestiya. Di şoreşgerê de şehîd dane û beşdarî pêngavên rizgarkirina gelek herêman bû."

Bi navê Meclisa Malbatên Şehîdan a Girkê Legê endama meclisê Munîfa Silêman, li hemberî gef û êrişên Tirkiyê banga xurtkirina têkoşînê û şopandina xeta şehîdan kir.

Di merasîmê de endamê rêveber a PYD'ê yê Girkê Legê Fûad Sadî axivî û got: " Ji ber fedekariyên gelên Bakur û Rojhilatê Sûriyê di şoreşê de doza me bûye hejmareke mezin."

Sadî bang li gelên Bakur û Rojhilatê Sûriyê kir ku li hemberî faşîzma Tirkiyê têkoşînê xurt bikin.

Apê şehîd, Mihemed Bozan jî diyar kir ku ew bi şehadeta Ciwan serbilind in û soza şopandina xeta şehîdan da.

Piştî axaftinan, nasnameya şehîd ji aliyê endamê Meclisa Malbatên Şehîdan a Dêrikê Mehmûd Mihemed ve hat xwendin û radestî malbatê hat kirin.

Cenazeyê şehîd bi diruşmeyên dilsoziya bi şehîdan re hat veşartin.

ANHA