Bangên girtina qada hewayê ya herêmê didomin

Meclisa Kantona Efrînê, Meclisa Malbatên Şehîdan, MSD û partiyên herêma Efrînê tev li banga partiyan girtina qada hewayê ya herêmê li pêşiya balafirên Tirkiyê bûn.

17 tîrmeh, 2022 15:30

ŞEHBA

Îro Meclisa Kantona Efrînê, Meclisa Malbatên Şehîdan, Meclisa Sûriya Demokratîk (MSD) û partiyên herêma Efrînê têkildarî gefên dewleta Tirk ên li dijî herêmê daxuyanî da û tê de teqez kir ku ew piştgiriyê dide banga partiyan a têkildarî girtina qada hewayê ya herêmê.

Meclisên sivîl û partiyan, bi daxuyaniyên cuda gef û êrişên dagirkeriya Tirk ên li dijî herêmê şermezar kirin û teqez kirin ku pêwîstiya Bakur û Rojhilatê Sûriyê wê her demê bêtir bi herêmên ewle heye da ku xwe ji êrişên dagirkeriya Tirk û DAIŞ`ê biparêzin, ji ber herêmên dagirkirî ji komên terorîst re bûn stargeh.

Her wiha meclis û partiyan bang li Koalîsyona Navneteweyî ya Têkoşîna li dijî DAIŞ`ê bi taybet DYA, Brîtanya û Fransayê û Rûsya Federal kir ku zextan li hember Tirkiyê bikin, qada hewayê ya herêmê bigirin da ku destwerdaneke din pêk neyê ku zirarê bi milyonan sivîl neke.

Partî û meclisan di dawiyê de got ew dengê xwe tev li dengê partiyan dikin ku qada hewayê ya herêmê bê giritin.

(şx)

ANHA