Partiya Sûriya Pêşerojê civînek ji bo nîqaşkirina rewşa dawî li dar xist

Civîn li hola Meclisa Sivîl a Dêrazorê ya li taxa Seba Kîlo hat lidarxistin. Di civînê de rêvebera Partiya Sûriya Pêşerojê Sîham Dawûd, Serokê Partiya Sûriya Pêşerojê Ebid Hamid El-Mihbaş û endamên Partiya Sûriya Pêşerojê ya Dêrazorê beşdar bûn.

Piştî deqeyeke rêzgirtin serokê Partiya Sûriya Pêşerojê Ebid Hamid El-Mihbaş behsa rewşa siyasî kir û anî ziman ku herêm di qonaxeke dîrokî re derbas dibe ku tê de gel li dijî pergalên zordest serî hildidin.

El-Mihbaş di axaftina xwe de anî ziman ku projeya Rêveberiya Xweser projeyeke niştimanî ye û ne bi armanca parçekirinê ye û teqez kir ku nêrîna Partiya Sûriya Pêşerojê avakirina Sûriyeke nenavendî ye.

Her wiha El-Mihbaş behsa êriş û gefên dewleta Tirk a dagirker ên bênavber li dijî Bakur û Rojhilatê Sûriyê kir û banga hevgirtin û yekitiya pêkhateyên herêmê li dijî êrişankir.

Di dawiya civînê de hate teqezkirin ku berxwedan mafekî rewa ye li dijî guhartina demografî ya ku li herêmên dagirkirî pêk tê û pêwîst e di aliyê siyasî û qanûnî de piştgirî were dayîn ji bo herêmên dagirkirî ji şêniyên wê re werin vegerandin.

(mh)

 ANHA