Li Dêrazorê gefên dagirkeriyeke nû li herêmê hatin protestorkirin

Bi sedan şênî, rûspiyên êlên rojhilatê Dêrazorê li pêşiya avahiya Meclisa Herêma Rojhilat a bajarokê Hecînê kom bûn.

Beşdarên xwepêşandanê heta navenda bajarokê Hecînê meşiyan û bi sloganan gefên dewleta Tirk a dagirker û bêdengiya civata navneteweyî li hember van sûcan şermezar kir.

Li navarasta bajarok, hevserokê Komîteya Perwerde û Fêrkirinê ya Meclisa Herêma Rojhilat Hesen El-Loha daxuyanî da.

Daxuyanî wiha ye:

“Şênî, rûspî, karker, cotkar, rewşenbîr, zarok û jinên Dêrazorê û Herêma Rojhilat destwerdana dewleta Tirk red dikin û banga vekişîna dagirkeriya Tirk ji axa Sûriyê dikin.

Em bang li civata navneteweyî û hêzên garantro dikin ku van gefên dewleta Tirk a dagirker rawestînin û nehêlin timayên xwe yên mêtingeriyê li herêmê pêk bîne.

AKP`ê bi van gefan ku qaşo dixwaze herêmeke ewle bi kûrahiya 30 kîlometreyan ava bike, ji aloziyên xwe yên siyasî, aborî yên hundirîn direve û derdixe derve bi taybet hilbijartinên parlamentoyê nêz in.

Ev destwerdan li ser Sûriyê û gelê wê û heta pêşeroja çareseriyê û lihevkirina sûrî-sûrî xeteriyeke mezin e.

Dewleta Tirk derfet û aloziyên navneteweyî bi kar tîne da ku projeyên xwe yên nijadperest pêk bîne, dê ev yek di navbera pêkhateyên Sûriyê de aloziyê derxîne û rê bide komên terorîst ku li herêmê çalak bibin.

Em bang li civata navneteweyî dikin ku destwerdanê bike û gefên dewleta Tirk ên li dijî herêmê û sûcên li şêniyên herêmê pêk tîne rawestînin.”

(şx)

ANHA