Zêdetirî 14 hezar xwendekar tev li ezmûnên dawiya salê bûn

Li herêma Efrînê zêdetirî 14 hezar û 739 xwendekar tev li ezmûnên dawiya salê bûn.

15 gulan, 2022 13:28

ŞEHBA

Li herêma Efrînê piştî salekê ji perwerdeyadi bin topbaran û koçberkirina li kampan de û di malên kavilkirî û odeyên biçûk de, xwendekarên hemû qonaxên perwerdeyê; seretayî, amadehî û navîn bi her du beşên xwe zanist û wêje tev li ezmûnên dawiya salê bûn

Xwendekar li 70`ê dibistanên li gundên Şehba û navçeya Şêrawa ezmûnên xwe pêşkêş dikin. Li gorî cîgirê hevserokatiya Desteya Perwerde û Fêrkirinê ya Herêma Efrînê Fadil Çawîs, ezmûn dê heta roja çarşemê 25`ê Gulanê dewam bike.

Hejmara xwendekarên qonaxên amadehî û navîn 3 hezar û 325 e û yên seretayî jî 11 hezar û 468 xwendekar e.

Çawîş da zanîn ku tevî topbaranê li dijî herêmê ku gelek caran dibistanan dike armanc, lê dîsa jî ew tê dikoşin , xwendinê berdewam dikin û civaka xwe jî pêş dixin.

Hêjayî bi bîr xistinê ku 20`ê Çileya 2018`an artêşa Tirk di encama topbarana gund û navçeyên Efrînê de 68 dibistan hilweşand û bi dehan xwendekar şehîd û birîndar kir.

(eh)

ANHA