Li Kobanê şehîd Mizgîn hate bibîranîn

Bi dehan şêniyên bajarê Kobanê salvegera 30`î ya şehadeta hunermenda Kurd Mizgîn "Gûrbet Aydin" li hola Navenda Baqî Xido ya Çand û Hunerê bi bîr anî.

11 gulan, 2022 13:07

KOBANÊ

Wêneyên şehîd Mizgîn û hunermendên din ên şehîdên Tevgera Rizgariya Kurdistanê û rêber Abdullah Ocalan li holê hatin daliqandin.

Di merasîma bibîranînê de bi zimanê kurdî û erebî sînevîsyonek li ser jiyana têkoşer hate pêşandan. Dûre endama rêveber a Tevgera Mezopotamyayê ya Çand û Hunera Demokratîk Hêvda Herekol axivî û îşaret bi lehengî û wêrekiya şehîd Mizgîn a li çiyayê Kurdistanê di qadên leşkerî, hunerî û civakî de nîşan da ku kesayeta jina apoyî ya azad îsbat kir.

Hêvda Herekol diyar kir ku Mizgîn bû dengê gelê Kurd û hebûna wî, her wiha çanda kurdî ya resen zindî kir, di heman demê de di rêxistinkirina civakê de, nexasim jinên Kurd rolek list.

Kesayetên ji komên cuda yên Navenda Baqî Xido çend stranên şehîd Mizgîn gotin.

Hunermed û şehîd Gûrbet Aydin 1962`an li bajarê Êlihê yê Bakurê Kurdistanê ji dayik bû, 1980`ê tev li Tevgera Rizgariya Kurdistanê bû û roleke sereke di avakirina "Komeleya Hunermendên Kurd ên Li Ewropa" de lîst.

Şehîd Mizgîn 11`ê Gulana 1992`yan li herêma Tetwan a çiyayê Kurdistanê şehîd bû.

(eh)

ANHA