Li Hesekê bîranîna 58 şehîdên meha Nîsanê

Meclisa Malbatên Şehîdan bi merasîmekê 58 şehîdên ji Hesekê ku li dever û demên cuda şehîd bûne, bi bîr anîn. Di merasîmê de ji fermandarê Meclisa Giştî ya Herêma Cizîrê Hisên Selmo axivî û got hewcedariya qonaxê bi kedeke mezin heye da ku li dijî kiryarên gelê Kurdistanê pê re rû bi rû dimînin were sekinandin.

Merasîma bibîranînê li Goristana Şehîd Dijwar a Hesekê ya li gundê Dawidiyê li dar ket. Bi dehan şêniyên Hesekê, malbatên şehîdan, şervanên QSD`ê, YPJ, YPG`ê, nûnerên saziyên Rêveberiya Xweser û partiyên siyasî yên bajêr tev li merasîmê bûn.

Destpêka merasîmê hevserokê Meclisa Malbatên Şehîdan şaxê Hesekê Ebdî Şêxo axivî û got: "Em îro şehîdên di oxira parastina erdê me ji teror û dagirkiran canên xwe feda kirin, bi bîr tînin. Şehîd rêberê me yên rastî ne ku rêya me ronî kirin."

Şêxo îşaret pê kir ku divê li dijî dewleta Tirk a dagirker û dijminê gelê Bakur û Rojhilatê Sûriyê heta mîsogerkirina armancên şehîdan, asta têkoşîna xwe bilind bikin. Şêxo bang li gelê Bakur û Rojhilatê Sûriyê kir ku rêya şehîdan bişopînin û parastina destkeftiyên wan bikin.

Ji fermandarê Meclisa Leşkerî ya Herêma Cizîrê Hisên Selmo jî soza şopandina hêzên wan ji parastina herêmên Bakur û Rojhilatê Sûriyê re û rizgarkirina herêmên dagirkirî da.

Selmo diyar kir ku hewcedariya vê qonaxê bi kar û xebatê heye, da ku li dijî êrişên li ser gelê Kurdistanê bisekinin. Di dawiyê de jî fermandar soza xurtkirina xeta berxwedan û têkoşînê û parastina destkeftiyên şehîdan da.

Di dawiya merasîma bibîranîna şehîdan de sînevîzyonek hate nîşandan.

(eh)

ANHA