Li Hesekê civîna Komîteya Sazkirina Peymana Civakî dest pê kir

Komîteya Sazkirina Peymana Civakî ya Bakur û Rojhilatê Sûriyê ji bo parvekirina reşnivîsa peymanê bi beşên civakê re li navçeya Dirbêsiyê ya kantona Hesekê civînek li dar xist.

27 nîsan, 2022 09:12

HESEKÊ

Civîn li navenda çandê ya navçeyê li dar ketiye. Di civînê de ku heta niha berdewam dike, endamên meclis û saziyên kantona Hesekê beşdar in.

Komîteya Sazkirina Peymana Civakî bi hevserokên meclisên bajarokên Til Kermê, Qirmane, Xenmiye, Sîker, komînên navçeya Dirbêsiyê û hevserokên saziyên navçeya Dirbêsiyê û hevserokên saziyên navçeyê re civiya da ku reşnivîsa peymanê bi wan re nîqaş bike.

Her wiha endamên Komîteya Sazkirina Peymana Civakî ya Biçûk Ekrem Hiso, Îlham Îsa Metlî û Sabit Cewher di civînê de amade ne.

Komîte 14`ê Nîsanê bi Meclisa Kantona Hesekê, komîn û saziyên navçeya Holê, 16`ê Nîsanê bi meclis, komîn û saziyên bajarê Hesekê û 18`ê Nîsanê jî bi komîn û saziyên navçeya Şedadê re civiyabû.

Komîte armanc dike ku di pêvajoya sêyemîn a sazkirina peymanê de, xwe bigihîne sazî, meclis û beşên civakê da ku naveroka peymanê ji wan re şîrove bike û nêrînên wan bigire.

(şx)

ANHA