Şêniyên herêma Firatê li dijî êrişên dawî yên li ser Kobanê xwepêşandan li dar xist

Beşdaran êrişên artêşa Tirk a dagirker ên li ser Bakur û Rojhilatê Sûriyê şermezar kirin, bi taybet her du êrişên dawî yên li dijî Kobanê û hedefgirtina 3 şervanên YPJ`ê.

Xwepêşandan ji qada Jina Azad dest pê kir û li çerxerêyê Aştiyê "Selam" rawestî û veguherî mîtîngê. Li wir endama rêveber a Meclisa Jinan a Partiya Yekitiya Demokratîk (PYD) Sara Xelîl axivî û êrişên dewleta Tirk ên dawî, nexasim ên li dijî jinan şermezar kirin.

Sara Xelîl wiha domand: "Bi navê hemû jinên ji bo jiyaneke bi ewle tê dikoşin û li hember xiyanetê li çiyayên Kurdistanê li ber xwe didin û em bang li gel bi taybet li Başûrê Kurdistanê dikin ku li dijî komployên li dijî Kurdan bisekinin."

Sara Xelîl îşaret bi berxwedana gerîla kir û wiha axivî: "Di dema dawî de dewleta Tirk a dagirker asta êrişên xwe yên li dijî Herêmên Parastinê yên Medyayê zêde kirine, lê em bi hêza xwe bawer in û ji komplogerên li dijî Kurdan re dibêjin; hûn ê bi bin kevin û serkeftina para gerîla ye."

Di dawiyê de Sara Xelîl got: “Careke din PDK`ê niyata xwe ya li hember Kurdan eşkere dike û hevdîtina wê ya bi rayedarên Tirk re her tişt zelal kir. Dem hatiye ku em li hember v; komployê bisekinin.”

 (eh)

ANHA