Şêniyên Minbicê êrişên dagirkeriya Tirk ên li ser Kobanê şermezar kirin

Xwepêşandêran pankartên "Bi ruhê şehîdên azadiyê, heta serkeftinê em ê şoreşa xwe nû bikin", "Ez ne terorîst im, ez lingê xwe dixwazim", "Ciwanên şoreşger nûnertiya gel û şoreşê dikin" hildan.

Rêvebereke Yekitiya Jinên Ciwan Şêrîn Mihemed Ehmed daxuyanî xwend. Di daxuyaniyê de wiha hate gotin:

"Bi navê Yekitiya Jinên Ciwan a Minbicê û gundewarê wê, em êrişên hovane yên dewletaTirk ên li ser herêmên Bakur û Rojhilatê Sûriyê ku di encamê de sivîl, jin û zarok li bajarê Kobanê hatin kuştin, şermezar dikin.        

Ev kiryarên hovane yên li dijî jinan eşkere bûne. Her tim hêza jinan di vê şoreşê de û fedakariya şehîdên ku fikir û felsefeya rêber Abdullah Ocalan û projeya neteweya demokratîk ji xwe re wek bingehek ji bo azadikirina gel ji zordariya rejîmê, hatiye îsbatkirin.

Di vê mehê de ku em têkoşerên jin, şehîdên azadiyê û şehîdên jinên ciwan ên li Kobanê şehîd bûne bi bîr tînin, dewleta Tirk a dagirker hewl dide êrişî herêmên me bike.

Em ji dijmin re dibêjin, em paşve venegerin û bi fedakariya şehîdên xwe em ê ji cîhanê re îsbat bikin ku xwîna wan ev ax paqij kiriye. Em ji mirinê natirsin û em ê vê şoreşê temam bikin."

(dx)

ANHA