Konferansa Partiya Sûriya Pêşerojê li Hesekê li dar dikeve

Konferans li Hola Serdem a Çand û Hunerê ya li texa El-Mûşeyref ya Hesekê hat lidarxistin. Di konferansê de endamên partiyê, rûspiyên eşîrên Ereb û Kurd, nûnerên partiyên siyasî û hêzên leşkerî, endamên sazî û navendên sivîl ên kantonê beşdar bûn.

Di konferansê de serokê Meclisa Partiya Sûriya Pêşerojê şaxa kantona Hesekê Semêr Gabro lidarxistina konferansê li beşdaran pîroz kir û got: "Di destpêka sala 2018’an de Partiya Sûriya Pêşerojê ji bo ku bibe encamê fikir, nêrîn û tecrubeyên ji bo çareseriyeke li gorî civaka Sûriyê, hate damezirandin. Ji bo ku bibe çareserî ku tevahî gelê Sûriyê tê de li hev bike û azarên gelê Sûriyê bi dawî bike."

Gabro destnîşan kir ku Partiya Sûriya Pêşarojê hewl dide rûmet û azadiya gelê Sûriyê misoger bike û îşaret bi hewldan, xebat û têkoşîna zêdetir kir.

Piştre ji aliyê serokê Nivîsgeha Têkiliyan a partiyê Salih El-Zûba ve perspektîfên partiyê hatin xwendin.

Di konferansê de dê dîwanek bê avakirin û rapora Meclisa Partiya Sûriya Pêşerojê şaxa kantona Hesekê ya çalakiyên rêxistinî, îdarî û xebatê were xwendin. Konferans dê bi hilbijartina desteya rêveber a partiyê ya kantona Hesekê bi dawî bibe.

Partiya Sûriya Pêşerojê partiyeke siyasî û serbixwe ye ku têkoşîna aştiyane wek bingeh ji bo pêkanîna armancên xwe yên avakirina guhertinên demokratîk li Sûriyê, dike armanc.

(dx)

ANHA