Erebeyeke Rûsyayê pê li jineke ji Kobanê kir

Li Kobanê dema girseya gel kom bûbû û Rûsya wekî berpirsa berdewamkirina êrişên dewleta Tirk li ser herêmê nîşan dida, erebeyeke hêzên Rûsyayê pê li jinekê kir.

21 cotmeh, 2021 10:51

KOBANÊ

Dihat payîn ku Polîsên Leşkerî yên Rûsyayê biçin cihê ku êrişa dewleta Tirk a dagirker lê pêk hatiye, ku di encamê de 2 sivîl şehîd bûn û 3 sivîlên din jî birîndar bûn. Her wiha dê çûbana morga nexweşxaneya ku cenazeyên şehîdên êrişê lê ne.

Lê belê leşkerên Rûs qebûl nekirin ku bikevin morga nexweşxaneyê û tenê li derve man. Li pêşiya avahiyê bi dehan sivîlên ku kom bûbûn bertek nîşanî bêdengiya Rûsyayê li hemberî êrişên dewleta Tirk da û kevir avêtin panzêrên Rûsyayê.

Hêzên Rûsyayê jî wek bersiva li dijî hêrsa sivîlan bi erebeyekê pê li jinekê kir. Li gorî agahiyên ku nûçegihanê me dane, jinek birîndar bûye û ji bo dermankirinên rakirin nexweşxaneya Kobanê.

/ar/uploads/files/2021/10/21/102520_bad-alhjwm-altrky..-rwsya-twajh-alghdhb-alshaby-bdhs-amrah-fy-kwbany-28229.webp

Lê heta niha agahiyên zêdetir derbarê rewşa jina birîndar de nehatine bidestxistin.

Nerazîbûnên li hemberî bêdengiya Rûsyayê ya li ser berdewamkirina êrişên dewleta Tirk a dagirker yên li dijî herêmê yên bi rêya dronan yan jî topbaranê, zêde dibin. Nexasim ku Rûsya di navê hêza garantorê agirbestê de derbasî herêmê bû.

(şx)

ANHA