Li Helebê panel li ser komploya navneteweyî hatin lidarxistin

Bi diruşma"Ocalan bi avakirina sîstemeke demokratîk û adil mezintirîn komplo di dîrokê de veguherand pêngaveke mezin ber bi xizmeta mirovahiyê ve" Komîteya Azadiya Rêbertî ya Helebê panelek li ser danasîna komploya navneteweyî li dar xist.

7 cotmeh, 2021 14:21

HELEB

Di panela ku li herêma Şiqeyêf hate lidarxistin, bi dehan endamên saziyên sivîl û partiyên siyasî yên li taxên Şêxmeqsûd û Eşrefiyê yên Helebê amade bûn.

Panel bi deqeyekê rêzgirtinê dest pê kir. Paşe mijarên cûda têkildarî komploya navneteweyî hatin şîrovekirin.

Beşa yekemîn; Derketina rêber Ocalan û komploya navneteweyî

Endamê Komîteya Azadiya Rêber Ocalan a Efrînê Welîd Dîngilî di vê beşê de îşaret bi destkeftiyên ku dewletên herêmî û biyanî yên beşdarî komployê bûne kir û diyar kir ku desteftiyên wan madî ne yan jî hin ceza li ser wan hatin rakirin, lê yên herî sûdwar hegemoniya kapîtalîst in.

Welîd Dîngilî wiha got: "Berjewendî û îdeolojiyên modernîteya kapîtalîst û rejîmên netewedewlet ên girêdayî wê ku felsefeya rêber Ocalan xeterî li ser berjewendiyên xwe dîtin, komplo plan kir û rewşên siyasî yên guncaw li gorî berjewendiyên xwe amade kirin ku komployê pêk bînin û bi van perspektîfan re di 9’ê Cotmeha 1998’an de dest bi komploya navneteweyî kirin."

Dîngilî behsa armanca sereke ya dîlgirtina rêber Ocalan kir û got: "Armanca sereke ew e ku fikir û felsefeya rêber Ocalan çareserî ji tevahî doz, pirsgirêk û krîzan re anîn ku gefan li binesaziya modernîteya kapîtalîst dixwe."

Piştî şîrovekirina vê beşê beşdaran li ser kesayeta rêber Ocalan axivî û got kesayeta rêber Ocalan ramyar û fîlozofê hemû gelan e, ne tenê ji bo gelekî ye û bû rohniya rêya her kesê azadiyê dixwaze.

Beşa duyemîn; Girîngiya neteweya demokratîk û modela Rêveberiya Xweser

Endamê Komîteya Rêber Ocalan a Helebê Emîne Xidro ev beş şîrove kir û wiha got: "Rêveberiya Xweser alternetîfa desthilata dewletê ye, ji ber rêveberiyên neteweya demokratîk ne desthilat in, ji ber rêveberî ji bo xizmeta jiyana rojane ye û hemû ji bo rêveberiyê amade ne heke pêwîstî hat xwestin. Netewe jî civaka hevbeş e ku tê de ferd û komên bi vîn û hêza xwa azad hene."

Li ser modeleya Rêveberiya Xweser Emîne Xidro wiha domand: "Rêveberiya Xweser rewşa pir etnîkî, ol û pêkhateyên a li Bakur û Rojhilatê Sûriyê di nava rêveberî û pergala hevserokatiyê de ku jin di biryardayînê de hevbeş e, nîşan dide."

Emîne Xidro wiha li axaftina xwe zêde kir: "Pergala Rêveberiya Xweser tê wateya Rêveberiya Xweser a Demokratîk. Ev pergal di felsefeya rêber Ocalan de hat. Ew pergal xwe dispêre pergala demokratîk a nenavendî ku xizmetî tevahî gel û çandan bi beşdariya mêr û jinan di tevahî aliyan de dike, li gel wê jî rêz ji mafên mirovan û azadiya olan re heye."

Beşdaran li ser vê beşê, îşaret bi tevahî êriş û hewldanên derbekirina vê projeyê kir û da zanîn ku rola Rêveberiya Xweser di ewlehî û aramiya li herêmê de mezin bû û ew yek jî bi saya fikir û felsefeya rêber Ocalan ku azadiya xwe di oxira azadiya gelan de kir qurban pêk hat.

Di dawiyê de nûnera Meclisa Sûriya Demokratîk (MSD) ya li Qahîre Leyla Mûsa û Şêwirmendê Giştî yê Partiya Komarê ya Kurdistanê li Ewrop yê li Almanyayê Îbrahîm Kaban piştgiriya xwe ji hemleya "Dem dema azadiyê ye" anî ziman û got, ev yek jî bi keda rêber Ocalan ên di oxira azadiya gelan de pêk hatin.

(fr)

ANHA