'Armanca dewleta Tirk têkbirina  projeya demokratîk e'

Dewleta Tirk a dagirker di demên dawî de êrişên xwe li ser li Şengal, navçeyên Til Temir û Zirganê zêde kirin û sivîlan dike armanc.

Şêniyên Bakur û Rojhilatê Sûriye û bajarê Helebê êrişên dagirkeriyê yên dewleta Tirk û çeteyên wê yên li dijî Şengal, Zirgan û Til Temirê şermezar kirin. Her wiha bang li civata navneteweyî kir ku destwerdan bike û gelên herêmê ji dagirkeriya Tirk biparêze.

'ARMANC PROJEYA NETEWEYA DEMOKRATÎK '

Endama rêveber a Komîteya Çand û Huner a Hesekê Efaf Heskî diyar kir ku dewleta Tirk hewl dide yekitiya gelên herêmê û ewlehiya herêmê têk bibe û got, gelên Bakur û Rojhilatê Sûriyê çawa li hember êrişên dijmin ên ji destpêka şoreşê ve sekinîn, dê li hember tevahî êrişên dewleta Tirk jî bisekine.

 Efaf Heskî got: " Bi rêveberiya gelê me û fikirê û felsefeya rêber Abdullah Ocalan em dê li hember tevahî êrişên li dijî herêmê  bisekinin û tu kes nikare vîna me bişkîne."

Efaf Heskî bang li civata navneteweyî û rêxistinên hiqûqî û mirovahî yên cîhanî kir ku dev ji bêdengiya xwe ya li hember êrişên dewleta Tirk berdin.

'BERXWEDAN Û TÊKOŞÎN DÊ BIDOME HETA KU AZADIYÊ BI DEST BIXIN'

Şêniya bi navê Fîdan Tofan a ji Helebê diyar kir ku ev ne cara yekem e ku dagirkeriya Tirk êzidî û destkeftiyên ku li Şengal bi dest xistine, dike hedef.

Fîdan destnîşan kir ku têkoşîn û berxwedana gelê Kurd dê bidome heta ku azadî û mafên xwe ji faşîzmayê bi dest dixin.

Fîdan Tofan di dawiya axaftina xwe de got: "Em amade ne bi hemû hêza xwe piştgiriya berxwedana Şengalê bikin heta ku êriş werin têbirin."

ARMANCA ÊRIŞAN QIRKIRINA KURDAN E''

Şêniya bi navê Ewaş Mihemed diyar kir ku dijminên gelê Kurd bi taybet dewleta Tirk a faşist armanc dike ku kurdan tune bike.

Têkildarî bombebaranên balafirên dewleta Tirk ên li dijî Şengalê, Ewaş got: "Beriya çend rojan dewleta Tirk şêniyên Şengalê kir hedef. Ev kiryar cihê şermezariyê ye. Em piştgiriya berxwedana şêniyên Şengalê dikin."

JI BER XIYANETÊ, KOMKUJIYEK NÛ LI ŞENGALÊ''

Şêniyê bi navê Mihemed Ehmed îşaret pê kir ku sedema komkujiyên li Şengalê tên kirin xiyaneta Partiya Demokrat a Kurdistanê (PDK) ye ya ku piştgiriya dewleta Tirk dike.

Mihemed  got: "Ya baş ew e ku PDK'ê di şikandina êrişên Tirkiyê û parastina civaka Êzidî ji komkujiyên din de piştgiriya birayên xwe yên Kurd bike."

 (dm)

ANHA

<iframe width="560" height="315" src="https://www.youtube.com/embed/uYuMevwDfyA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>