​​​​​​​‛ Êrişên nijadperestî yên li dijî penaberên Sûriyê yên li Tirkiyê derqanûnî ne’

Têkildarî êrişên nijadperestî yên tirkan ku beriya çend rojan li dijî penaberên sûrî yên li Tirkiyê pêk anîne, şêx Mihemed Sadiq El-Isêdî ji ajansa me re axivî.

Berdevkê şêx û rûspiyên Minbicê Mihemed Sadiq El-Isêdî wiha got: "Ji 2011’an ve bi sedan malbatên sûrî penaberên Tirkiyê bûn da ku bi ewle bijîn. Lê dewleta Tirk hovîtirîn sûcan ji qetilkirin, pêlêkirin, avêtina keviran û gefên derxistina ji Tirkiyê li dijî sûriyan pêk tîne. Ev sûc derexlaq û derqanûnî ye."

Têkildarî bikaranîna sûriyên li derve û hundirê welat ji aliyê dewleta Tirk ve, El-Isêdî wiha got: "Dewleta Tirk sûriyên ku şoreş li dar xistine ,kirine çete û bi rêya wan şoreşa Sûriyê têk bir. Ew çete di bin ala Tirkiyê de li herêmên Rojhilatê Navîn sûcan pêk tînin. Dewleta Tirk ev çete şandin Lîbya û Azerbeycanê, di vê dawiyê jî nîqaş hat kirin ku li beramberî pereyan ew çete şandine Efganistanê."

El-Isêdî diyar kir ku dewleta Tirk dijminê gelê Sûriyê bi giştî û dijminê gelên herêmên bakurê Sûriyê bi taybet e û destkeftiyên Rêveberiya Xweser li kêrê wê nayên, ji ber vê yekê her tim hewl dide tevna civakî ya pêkhateyên herêmê ji hev bixe.

El-Isêdî bang li civata navneteweyî û rêxistinên mafên mirovan kir ku destwerdanê bikin û sûcên dewleta Tirk ên li dijî gelên herêmê rawestînin.

El-Isêdî li dawiyê bang li gelê Sûriyê kir ku vegerin welatê xwe û li hember destwerdana derve li karûbarên Sûriyê bibin yek.

(fr)

ANHA

<iframe width="560" height="315" src="https://www.youtube.com/embed/Mc2pSijNJOM" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>