Zirarên topbarana dagirkeriyê li dijî gundê Firêan ê rojavayê Girê Spî

Ji 3 rojan ve tevahî gundên rojavayê Girê Spî yên bi ser eniyên şer ve ji hêla dagirkeriya Tirk û çeteyên wê ve tên topbarankirin û gelek gundên tê de şênî hene hatin topbarankirin, jê jî gundê Firêan ê 2 kîlo metre ji eniyên şer ên rojavayê Girê Spî ve ye.

Îro kamereya ANHA’yê zirarên canî û madî yên di encama topbarana li dijî gundê şopandin.

Têkildarî vê yekê, şêniyê bi navê Mistefa El-Xelef ê ji şêniyê gundê Firêan wiha got: "Duh bi şev 6 mûşek li gund ketin, di encamê de rizarên mezin bi mal û milkên sivîlan bûn. Ji bilî wê jî 5 hawin vê sibehê li gund ketin. Bi wê re tirsek di nava şên û zarokan de çêbû."

El-Xelef da zanîn ku di encama topbaranê de kurê birayê wî ji destê xwe birîndar bûn, li gel wê jî zirarên madî çêbûn.

Li aliyekî din jî şêniyê bi navê Mehmûd El-Îsa yê ji şêniyê gund e wiha got: "Duh bi şev mûşekek li cihê pezên wî ket, di encamê de 16 pezên wî mirin."

El-Îsa bang li civaka navneteweyî û rêxistinên mirovan kir ku van êrişan û topbarana dagirkeriya Tirk li dijî gundan rawestînin, zarok û sivîlanji bêserûberiya êrişên dewleta Tirk biparêzin.

(fr)

ANHA