‛Berdewama tecrîda li dijî rêber Ocalan, nîşaneya acizbûna Tirkiyê li hember fikra wî ye’

Firokeya bêpîlot a dewleta Tirk a dagirker di 16’ê vê Nîsanê de mala ku tê rêber Abdullah Ocalan 42 salan li gundê Elpelûr ê rojavayê Kobanê maye, bombebaran kir û vê yekê jî hêrs û bertekeke girseyî li hember armanckirina dewleta Tirk a nirxên maneweyî yên gelê Kurd, çêkir.

Endama rêveberiya Meclisa Jinan a Azad a Şehbayê Rîhab Cibo li ser tecrîda girankirî ya li dijî rêber Abdullah Ocalan axivî û wiha got: "Komploya navneteweyî li dijî rêber Abdullah Ocalan berdewam e û tevahî rêxistinên îdiaya mirovahî û demokrasiyê dikin û parastina mafên mirovahiyê dikin tiştek ji bo wergirtina rêber Ocalan a mafên xwe, nekirine û ev jî dihêle dewleta Tirk tecrîda li dijî rêber Ocalan zêde bike."

Rîhab Cibo wiha got: "Tecrîda girankirî ya li dijî rêber Ocalan û qedexekirina serdana parêzeran, bi hewldana têkbirina projeya aştî û hevgirtina pêkhateyan e ku rêber Ocalan banga wê dike û li ser erdê li Bakur û Rojhilatê Sûriyê pêk tê."

Li aliyekî din jî endamê Meclisa kantona Efrînê Idrîs Weqas da zanîn ku êdî lawazbûna dewleta Tirk a bi serkêşiya Erdogan û AKP’ê di tevahî aliyên aborî, siyasî û civakî de diyar bû. Ji lew re tecrîdê li dijî Rêber Ocalan girantir dike. Ji ber dît ku çawa fikira rêber Ocalan Rojavayê Kurdistanê, Bakur û Rojhilatê Sûriyê û hêzbûna gelan bi pêş xist.

Weqas wiha domand: "Armanckirina mala ku rêber Ocalan di 1979’an de lê maye, acizbûna dewleta Tirk li hember vê fikireya bişewq a demokrat ku li her deverê belav bûye diyar dike. Ji ber rêber Ocalan bindestî û sûcên dewleta Tirk a dagirker qebûl nedikir. Ji ber di dema rêber Ocalan dest bi şoreşê kiriye, di 1979’an de berê xwe da Kobanê û di wê malê de dest bi belavkirina fikira azad ji tevahî pêkhateyan re kir."

Li aliyekî din jî endama Yekitiya Jinan a Şehbayê Zehre Kalo wiha got: "Em li kantona Şehbayê bi saya fikir û felsefeya rêber Abdullah Ocalan li ber xwe didin. Ew bombebarana ku li dijî mala ku rêber Ocalan tê de maye, pêk hatiye nîşaneya tirsa dewleta Tirk ji belavbûna fikir û felsefeya rêber Abdullah Ocalan e."

Zehre Kalo wiha gotina xwe bi dawî kir: "Mala ku jê fikr û felsefeya rêber Ocalan ji Rojavayê Kurdistanê li tevahî gelan belav bûye, ji hêla dewleta Tirk ve hate armanckirin. Ji ber ku li ser text û desthilata xwe ya dîktatorî ditirse."

(fr)

ANHA

<iframe width="560" height="315" src="https://www.youtube.com/embed/pcKOAi2txEI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>