Partiya Pêşerojê ya Sûriyê li bajarokê Hecînê nivîsgeheke xwe vekir

Bi dehan şênî, şêx û rûspiyên eşîran, nûnerên partiyên siyasî û saziyên Rêveberiya Xweser beşdarî şahiya vekirinê bûn.

Piştî rêzgirtinê endamê Partiya Pêşerojê ya Sûriyê Huzeyfa El-Ehmed bixêrhatina beşdaran kir û got ew bi hêvî ne ku ev nivîsgeh ji bo hemû daxwazên şêniyan bibe bersiv û li ser şopa şehîdan bimeşin da ku armancên wan pêk bînin.

Li ser navê Meclisa Malbatên Şehîdan a xeta Dêrazorê jî Rekan El-Ebûd şehîd bi bîr anîn û vekirina nivîsgehê pîroz kir.

Ji rûspiyên eşîrên Bokemalê Nasir El-Teram jî ji bo vekirina nivîsgehê kêfxweşiya xwe anî ziman û bal kişand ser armancên partiyê yên ji bo avakirina Sûriyeke demokratîk û wiha got: "Wê hemû fikir, ol, taîfe û nîjad di nava partiyê de kom bibin."  

Her wiha serokê Meclisa Xeta Rojhilat Mihemed Seyîd El-Emîr jî vekirina nivîsgehê pîroz kir û û banga hewledana xurtkirina rêgezên demokratîk li herêmê kir.

ANHA

<iframe width="560" height="315" src="https://www.youtube.com/embed/wMTx1SuSgcc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>