​​​​​​​Malbatên gerîla: Zarokên me ji bo parastina welat berê xwe dane çiya

Artêşa Tirk a dagirker di 10`ê Sibata vê mehê de êrişeke berfireh li ser herêma Garê ya Başûrê Kurdistanê daye destpêkirin. Gerîlayên HPG`ê jî di çarçoveya parastina rewa de bersivên tund didin dagirkeriya Tirk.

Melbatên gerîlayan ên navçeya Girkê Legê ya kantona Qamişlo êrişên dagirkeriya Tirk a li ser Herêmên Parastinê yên Medyayê û bi taybet ên li ser herêma Garê ya Başûrê Kurdistanê şermezar kirin û piştgiriya xwe ji berxwedana zarokên xwe re tekez kir.

Dayîka gerîlayê HPG`ê Rênas Cûdî, Şîrîn Eyûb ji ajansa me re axivî û diyar kir ku dewleta Tirk a dagirker êrişeke barbar(hovane) li ser axa Kurdistanê dimeşîne, cudahiyê naxe navbera zarok, mezin, sivîl û şervanan û planên xwe yên ji bo qirkirina Kurdan didomîne. Her wiha Şîrîn Eyûb da zanîn ku dewleta Tirk a dagirker meha Sibatê ji xwe re hilbijartiye û hewl dide di vê mehê de plan û projeyên xwe yên qirêj ên ji bo tunekirina gelê Kurd pêk bîne. 

Şîrîn Eyûb wiha axaftina xwe bi dawî kir:" Zarokên me ji bo parastina axa me û mafên gelê Kurd berê xwe dane çiyayên Kurdistanê û Herêmên Parastinê yên Medyayê jî beşek ji axa Kurdistanê ye û divê neyê desteserkirin."

Bavê gerîlaya HPG`ê Viyan Xabûr, Feysel Kerho jî êrişa dagikeriyê şermezar kir û got `Em serê xwe ji dagirkeriya Tirk re natewînin` û bang li Rêxistinên Neteweyên Yekbûyî kir ku helwesteke tund li hemberî van êrişan nîşan bide, ji ber ku ev êriş tunekirina gelê Kurd dike armanc.

Li aliyekî din dayîka gerîlaya HPG`ê Amara, Hekîma Ebdî wiha got:" Em zarokên xwe bi tenê nahêlin, em ê pişgiriya wan bikin û çekê rakin da ku armanc û xeyalên xwe pêk bînin."

ANHA

<iframe width="560" height="315" src="https://www.youtube.com/embed/HTO9K1pTw9k" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>