Şêniyên kampa Waşûkanî komkujiya li Parîsê şermezar kir

Şêniyên li kampa Waşûkanî bi meşekê komkujiya li dijî her sê jinên têkoşer ên Kurd Sakîne Cansiz, Leyla Şaylemez û Fîdan Dogan şermezar kir.

NÛÇE

9 ÇILE, 2021 18:13

HESEKÊ

Bi armanca şermezarkirina komkujiya li dijî her sê jinên şoreşger ên Kurd Sakîne, Fîdan û Leyla ya şêniyên li kampa Waşûkanî meşek hate lidarxistin.

Meşa ku bi dehan kesa tevlêbûn ji dawiya kampê dest pê kir û ber bi têketina destpêkê ya kampê bi dawî bû. Şêniyan sloganên"Bijî berxwedana têkoşeran û na ji dagirkeriya Tirkiyê re" berz kirin.

Şênî li têketina kampê kom bûn û li wir endama Rêveber a Kongreya Star Koçber Hisên axivî û got ku dewleta Tirk di sala 2013`yan de li dijî 3 jinên Kurd Leyla, Fîdan û Sakîne komkujiyek pêk anî, dewleta Tirk ji berê ve û heta niha hewldana têkbirina Tevgera Rizgariya Kurdistanê dike, nexasim Tevgera Rizgariya Jinan.

Koçer Hisên diyar kir ku ew wekî jinên Bakur û Rojhilatê Sûriyê heta misogeriya azadiya jinan dê şopdarên rêya van şehîdan bin.

Piştre Endama Meclisa Kampa Waşجkanî Hêvîn Ebdo jî komkujî şermezar kir û bang li hemû jinan kir ku asta têkoşîna xwe bilind bikin û armancên her sêşehîdan pêk bînin.

Di dawiya de sloganên"Bijî berxwedana jinan" hatin berzkirin.

(eh)

ANHA