Partiya Pêşeroja Sûriyê rewşa siyasî ji şêniyên Reqayê re nirxand

Civîn li avahiya Meclisa Gel a Mezreya Reşîd hate lidarxistin. Civîn ji aliyê serokê Nivîsgeha Rêxistinî ya Meclisê ya Partiya Pêşeroja Sûriyê, endamê rêveber ê navçeya rojava Ebû Emar û serokê Nivîsgeha Têkiliyan a Meclisa Reqayê Îshaq Denden hate birêvebirin.

Civîn bi deqeyeke rêzgirtinê dest pê kir, piştre endamê rêveber ê navçeya rojava Ebû Emar rewşa siyasî ya li herêmê şirove kir. Ebû Emar behsa gefê û komployên li dijî herêmê kir, her wiha piştrast kir ku divê pirrengiya siyasî hebe û şêniyên herêmê tev li Partiya Pêşeroja Sûriyê bibin.

Îshaq Denden jî, êrişên dewleta Tirk ên li dijî herêmên Rêveberiya Xweser bi giştî, navçeya Eyn Îsayê bi taybet û bêdengiya Rûsyayê li ser êrişên li dijî herêmê, şermezar kirin. Li gel wê jî Denden sûcên dewleta Tirk a dagirker ên ji dizîna şûnwarên herêmê û siyasetên guhartina demografiyê, şermezar kirin.

Ebû Emar wiha piştrast kir: "Pêwîst e lêpirsîna ferdî hebe û xebata ji bo serkeftina projeya Rêveberiya Xweser pêk bê. Li aliyekî din jî xizmetguzarî, geşbûn û ewlehiya li herêmên Rêveberiya Xweser hişt ku piranî şêniyên ji hundirê Sûriyê berê xwe bidin Bakur û Rojhilatê Sûriyê."

Civîn bi nîqaşan û bersiva pirsan bi dawî bû.

Partiya Pêşeroja Sûriyê dê di nava 15 rojan de civînên bi vî rengî li Reqa û gundewarên wê li dar bixe.

(fr)

ANHA