Şêniyên Dêrikê şehîd Mihemed oxir kir

Şevanê YPG`ê Mihemed Hadî (Mihemed) ji ber nexweşiyekê şehîd bûbû.

Merasima oxirkirinê li goristanê pêk hat. Hevseroka Meclisa Kantona Qamişloyê Perwîn Yûsif axivî û sersaxî ji malbata şehîd re xwest û wiha got: “Gelê ku fedakariyan di oxira serxistina vê şoreşê de dide, dê serkeftin para wî be. Malbata şehîd Mihemed tev li tevgera rizgariya Kurdistanê û Şoreşa Rojava bû û di oxira azadiya vî gelî de fedakariyên giranbiha dan.”

Fermandarekî YPG`ê Hawar Dêrikî jî wiha got: “Em ê ji bo rizgarkirina gelên Bakur û Rojhilatê Sûriyê û tunekirina çeteyan, gavan bi paş de neavêjin.”

Piştî axaftin bi dawî bûn, wesîqeta şehadetê hate xwendin û radestî malbata şehîd hate kirin.

Malbata şehîd Mihemed jî soza şopandina rêya şehîdan da, piştre cenazeye şehîd di nava tilîliyên dayikan de hate veşartin.

Şehîd Mihemed bavê şehîd Xebat û şehîd Raman e ku di şoreşa Rojava de şehîd bûbûn.

(cx)

ANHA

<iframe width="560" height="315" src="https://www.youtube.com/embed/RJA30UP8dyo" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>