Li Holê çalakiyek hunerî ya helbestan li dar ket

Ji bo vejandina çanda Erebî û belavkirina helbesta gelêrî, Komîteya Çand û Hunerê ya kantona Hesekê çalakiyek hunerî li navçeya Holê li dar xist.

ÇAND Û HUNER

16 îlon, 2020 15:57

HESEKÊ

Komîteya Çand û Hunerê ya kantona Hesekê bi dirûşma “Kultur Neynika Çand û Şaristaniyê ye” çalakiyek hunerî li navçeya Holê li dar xist.

Çalakî di bin konekî de li berava gola Xatûniye ya li navçeyê bi tevlibûna bi dehan şêniyan û endamên saziyên sivîl û leşkerî û helbestvanan li dar ket.

Piştî deqeya rêzgirtinê, Berdevka Komîteya Çand û Hunerê ya kantona Hesekê Efaf Hesekî axivî û lidarxistina çalakiyê pîroz kir û got: “Ev çalakî kultur û çanda erebî vedijîne. Fikr û rêgeza neteweya demokratîk û biratiya gelan rolek di pêkanîna armancên gelên Sûriyê di azadî û demokrasiyê de dilîze.

Piştre gelek helbest ji hêla helbestvan Hemîd Receb ê ji navçeya Holê, helbestvan Sacîde Hesen û gelek helbestvanên din ve hatine xwendin. Navaroka helbestan girêdayî biratiya gelan, neteweya demokratîk û dagirkirina dewleta Tirk bajarên Bakur û Rojhilatê Sûriyê bû.

Di dawiya çalakiyê de beşdaran xelekên govendê li ber stranên hunermend Silêman El-Camûs yên gelêrî yên erebî gerandin.

(şx)

ANHA