Şehîd Leyla Agirî li Hesekê hate bibîranîn

Endama Konseya Rêveber a KJK'ê Leyla Agirî (Fîlîz Aslan) a ku di Hezîrana 2020'an de li Herêmên Parastinê yên Medyayê di êrişeke hewayî de şehîd bû, li Hesekê hate bibîranîn.

31 tebax, 2020 15:00

HESEKÊ

Merasîmê bîranînê ji aliyê Kongreya Star ve bi beşdarbûna bi dehan şêniyan li navenda Çand û Hunerê ya Xabûr a bajarê Hesekê hate lidarxistin.

Merasîm bi deqeyeke rêzgirtin dest pê kir. Piştre endama Koordînasyona Kongreya Star Hediya Şemo axivî û got: " Dewleta Tirk dixwaze siyaseta xwe li ser civaka me ferz bike, dixwaze me tune bike û vîna gel bişkîne. Dewleta Tirk li Efrînê şerê me kir, piştre Serêkaniyê û Girê Spî dagir kirin. Niha jî li Heftenînê êrişî gelê me dike."

Endama Kongreya Star a Hesekê Zeyneb Şîtka jî axivî û got:” Şehîd Leyla Agirî ji bo doza xwe, doza wekhevî û edaletê ya Tirkiyê hemûl nake canê xwe feda kir."

Zeyneb Şîtka diyar kir ku şehîd Leyla li gelek deverên Kurdistanê têkoşiya û bi berxwedaniya xwe ya bê hempa û kesayeta xwe bi hêz dihat naskirin. Her wiha got: bi hevgirtin, yekitî û vîna gelê Kurd serkeftina li hember dijmin û rêgirtina li pêşiya dagirkirina Kurdistanê pêkan e."

Di dawiya merasîmê de belgefîlmeke li ser jiyana şehîd Leyla Agirî hate pêşandan.

ANHA