Meclisa Dada Civakî ya Minbicê êrişên dewleta Tirk şermezar kirin

Meclisa Dada Civakî ya Minbicê îro bi daxuyaniyekê êrişên dewleta Tirk ên li ser herêmên Başûrê Kurdistanê û Herêmên Parastinê yên Medyayê şermezar kirin.

Daxuyanî wiha ye:

"Ji bo raya giştî ya cîhanê, saziyên peywendîdar ên mafên mirovan, Meclisa Ewlehiyê ya Navneteweyî, ji bo saziyên mafên mirovan, bi navê Meclisa Dada Civakî ya Minbic û gundewarên wê em êrişên dewleta Tirk ên hovane li ser qezaya Şengalê, kampa Mexmûrê şermezar dikin. Dewleta Tirk di saetên derengiya şevê de ji 14`ê Hezîranê de nexweşxane topbaran kir.

Êriş bandorê li aramiya Iraq û Sûriyê dike. Ji ber wê jî em bang li DYA, YE, NATO, Koalîsyona  Navneteweyî û saziyên NY`yê dikin ku tedbîrên bilez ji bo sekinandina êrişên dewleta Tirk bigirin.

Bêdengiya navneteweyî dihêle dewleta Tirk zêdetirî sûc û binpêkirinan li dijî dijî dewlet û mafên mirovan pêk bîne. Ev hemû jî bi idiyayên cuda têne kirin. Praniya sûcên ku dewleta Tirk pêk tîne destekê dide rêxistinên terorîst û çeteyên DAIŞ`ê ku ji nû ve derkevin holê, vegera koçberên êzidî li warê xwe li Şengalê asteng dike, her wiha projeya ji nû ve avakirin û aramiiya herêmê, her wiha derfetên pêkanîna aştiyê asteng dike."

bx

ANHA

<iframe width="560" height="315" src="https://www.youtube.com/embed/6FSFXfejp-E" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>