Tevgera sûkên Minbicê bi hatina Remezanê re ne mîna berê ye

Rêveberiya Sivîl a bajarê Minbicê qedexeya derketina derve heya destpêka meha Gulanê dirêj kir. Li gel wê destûr da dikanên madeyên xwarin, goşt, basta û froşkarên gerok ên ku vexwarinên Remezanê û şêraniyên vê mehê çêdikin kar bikin. Da ku pêdiviyên şêniyan peyda bikin.

Di roja yekemîn a Remezanê de tevger di nav sûkên bajêr de li gorî salên derbasbûyî sivik e.

Di vî warî de şêniyê bi navê Izdîn El-Casim ji ajansa me re axivî û Remezana îsal bi sala borî da ber hev û îşaret pê kir ku sûk di sala borî de qerebalix bû. lê îsal ji qedexeyê û diyarkirina saetên kar tevger sivik e. ev jî çêja vê meha pîroz winda dike.

El-Casim wiha domand: Lê ya girîng di vê demê de parastina şêniyan ji vê pandemiyê ye. lewra şênî biryar û perspektîvên Rêveberiya Sivîl û hêzên ewlekariyê ji bo berjewendiya civakê û dûrxistina xeteriya vê pandemiyê pêk tînin.

(şx)

ANHA

<iframe width="560" height="315" src="https://www.youtube.com/embed/nXpjwkx8VmY" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>