Li Reqayê pêngava ‘‘Paqijî şaristanî ye‘‘

Saziyên gundewarê rojhilatê bajarê Reqayê bi dirûşmeya "Paqijî şaristanî ye" pêngaveke berfireh a paqijkirinê dan destpêkirin. Pêngav dê 8 rojan berdewam bike.

CIVAK Û JIYAN

30 ÇILE, 2020 14:28

REQA

Bi dirûşmeya "Paqijî şaristanî ye" saziyên gundewarê rojhilatê bajarê Reqayê pêngavek ji paqijkirina gund û bajarokên Reqayê dan destpêkirin. Pêngav îro ji bajarokê Reqa Semra destpê kir.

Şêniyên bajarokê Reqa Semra, endamên saziyên sivîl, Hêzên Ewlekeraiya Hundirîn, Trafîk û şervanên QSD‘ê pêşdarî pêngavê bûn.

Beşdaran li bajarokê Reqa Semra û gundê wê belav bûn û kolan bi kolan ji toz û qirêjê paqij kirin.

Mihemed El-Şêx ji kesên ku beşdarî pêngavê bûye dibêje: "Sazî beşdarî vê pêngava şaristanî bûne da ku paqijî û bedewbûneke şarestanî bidin vê welatî."

Rêveberê Meclisa gundewarê rojhilat Umer Mihemed got: "Ev pêngav moral dide şêniyan da ku bajarê xwe paqij bikin û hawirdorê biparêzin. Beşdarbûna şêniyan a ji pêngavê re erênî bû."

Pêngav dê 8 rojan berdewam bike û dê tevahî gund û bajarokên rojhilatê bejahiya Reqayê were paqijkirin.

ANHA