Şêniyên ku QSD’ê ew xilaskirine, spasiya QSD’ê kirin

Ji du rojan ve du malbat ji gundê Arîda gihaştin navçeya Eyn Îsayê. Her du malbat ji topbarana bêserûber a çeteyên artêşa Tirk a dagirker mîna bi hezaran şêniyên kantona Girê Spî û gundewarê wê ber bi herêmên ewle ve yên Rêveberiya Xweser a Bakur û Rojhilatê Sûriyê reviyan.

Tehewîl El-Ebid El-Semo ji şêniyên gundê Arîda El-Bû Cirade dibêje: “Ji ber topbaranê di nav gund de asê mane. Ji ber wê birçî man û di dirêjahiya dema li gund mane de nekarîn nan bidest bixin. Tenê debara xwe ji tiştên li mal peyda dikirin.”

Tehewîl rewşa li gund bi trajedîk wesifand û diyar kir ku ji ber qutbûna kehrebeyê û sotemenî heta kesê xwedî bîr bi zorê ava vexwarinê peyda dikir.

Tehewîl wiha domand: "Di encama topbarana bêserûber li ser gund de du şêniyan Ibrahîm Hesen El-Îsa(57) û Mehmûd Zahir Siyad (61) jiyana xwe ji dest dan."

Tehewîl spasiya Hêzên Sûriya Demokratîk kir ji ber ku alîkariya wan kirin û rê ji wan re peyda kir heta gihaştin navçeya Eyn Îsayê.

Şêniyê bi navê Ehmed El-Elî El-Seyad got: “Ji ber topbarana bêserûber, birçîbûn û dorpêça ku li ser wan ferz bûye neçar mane ji malên xwe derkevin û bê navçeya Eyn Îsayê.”

El-Elî destnîşan kirin ku ji ber topbarana bêserûber tevî kuştina şêniyên ku li jor hatine bibîrxistin, du zarokên malbatekê Raniya Elî El-Elî û Hisên Elî El-Elî birîndar bûne.

El-Elî destnîşan kir ku kesên ji gund derketine tiştek ji kelûpelên xwe dernexistine. Ji ber wê rewşên dijwar li gel koçberiyê dijîn.

Gundê Arîda girêdayî navçeya Eyn Îsayê ye û bi 20 km li bakur rojavayê wê. Gund xetê temas bi herêmên ku artêşa Tirk a dagirker û çeteyên wê ji gundewarê kantona Girê Spî dagir kirine tê hesibandin.

Meclisa navçeya Eyn Îsayê destek û pêwîstiyên  koçberan ji ava vexwarinê, nan û mazot ji bo germkirinê bê pere pêşkêş dike.

(şx)

ANHA

<iframe width="560" height="315" src="https://www.youtube.com/embed/a-Cyo2SEOYc" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>