Şêxo: Tirkiyê rewşa li Idlibê aloztir dike, deriyê me ji koçberan re vekirî ye

Ji ber hewldanên rejîma Sûriyê ji bo ku careke din Idlibê kontrol bike, qada Idlibê veguheriye qada şerê di navbera çeteyên ku Tirkiyê desteka wan dike û rejîmê de. Li gel desteka Tirkiyê ji komên çete re di serî de çeteyên Heyet Tehrîr El-Şam(Cebhet El-Nusra berê) û zêdekirina rejîmê hêzên xwe yên leşkerî metirsiyên şerekî ku dibe bibe sedema mirina bi hezaran sivîlan çêdike.

Girêdayî mijarê hevserokê Meclisa Rêveber a Rêveberiya Sivîl a Minbicê û gundewarên wê Mihemed Şêxo got: "Aloziya Idlibê roj bi roj gurtir dibe. Ji ber ku komên terorîst ên li Idlibê rewşê aloztir dikin û sûriyan aloziya xwe li ser masaya diyalogê çareser nekir da ku Sûriyê biparêzin, ji terorê rizgar bikin û ewlehiyê pêk bînin."

Şêxo anî ziman ku diyalog tekane rêya çareserkirina aloziya Sûriyê û pirsgirêka Idlibê ye û wiha domand: "Ji ber mudexeleyên aliyên navneteweyî û desteka komên çekdar di serî de dewleta Tirkiyê ya bi serkêşiya AKP`ê pirsgirêka Idlibê aloztir dibe. AKP`ê xwedî li komên çeteyan li Sûriyê derdike tevî ku beriya wê desteka çeteyên DAIŞ`ê kir û derbasbûna wan ji Sûriyê re hêsan kir."

Mihemed Şêxo di nav axaftina xwe de got: "Topbarana rejîma Sûriyê û Rûsyayê bajarê Idlibê gelek şênî neçar kir ku ji bajêr ber bi herêm û gundên Sûriyê yên cuda ve koçber bibin."

Hevserokê Meclisa Rêveber ê Rêveberiya Sivîl a Minbicê û gundewarên wê Mihemed Xêr Şêxo Di dawiyê de Şêxo bal kişand ser ku herêmên Bakur û Rojhilatê Sûriyê amade ne koçberên Idlibê pêşwazî bikin û got: "Deriyên me ji koçberan re vekirî ne. Ji ber ku aloziya Idlibê aloziyek mirovî ye, bi taybet di vê werza sar de."

(şx)
ANHA

<iframe width="560" height="315" src="https://www.youtube.com/embed/I0OXnZ9vHHM" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>