Şêniyên Şedadê şehîd Muhened Şiêbî oxir kir

Bi sedan şêniyên navçeyên Şedadê û El-Sor ên gundewarên bakurê Dêrazorê, cenazeyê şehîd Muhened Şiêbî li goristana şehîdan a navçeya Şedadê oxir kir.

NÛÇE

18 kanûn, 2019 13:19

HESEKÊ

Şêniyan cenazeyê endamê Hêzên Ewlekariya Hundirîn Muhened Ibêd Şiêbî ku li El-Sor a Dêrazorê şehîd bûbû, ji Saziya Malbatên Şehîdan a navçeya Şedadê wergirt û berê xwe da goristana şehîdan a navçeyê.

Li goristanê merasîmê bi rêzgirtinê dest pê kir. Piştre endamên Hêzên Ewlekariya Hundirîn toraneke leşkerî li dar xist. Piştre endamê rêveberiya Hêzên Ewlekariya Hundirîn li herêma Firatê Muxlis Ebd El-Letîf axivî.

Muxlis îşaret pê kir ku Hêzên Sûriya Demokartîk bi hezaran şehîd dan û hîna dide. Her wiha diyar kir ku hevrêyên şehîd Muhened, îro li dijî artêşa Tirk û çeteyên wê yên DAIŞ û El-Nusra, li ber xwe didin.

Endama rêveberiya Meclisa Malbatên Şehîdan li navçeya Şedadê Zehra El-Ehemd jî bang li hêzên leşkerî kir ku şaneyên veşartî yên çeteyên DAIŞ`ê û çeteyên girêdayî artêşa Tirk li herêma Dêrazorê, paqij bikin. Zehra El-Ehmed sersaxî ji malbata şehîd re û serkeftin ji şervanên QSD`ê re xwest ku parastina herêmên Bakur û Rojhilatê Sûriyê dikin.

Piştre endama Meclisa Malbatên Şehîdan Ayat Ibrahîm, wesîqeya şehîd Muhened xwend û radestî malbatê kir.

Cenazeyê şehîd di nava tilîliyên dayikan de li gortistana şehîdan a navçeya Şedadê hat veşartin.

(cx)

ANHA