Sersaxî ji malbata şehîd Beşîr Xeşan re hat xwestin

Bi sedan şêniyên navçeya Til Birak û Til Hemîs berê xwe dan konê sersaxiyê yê şervanê Erka Xweparastinê Beşîr Xeşan ku 12`ê Nîsanê li Dêrazorê di encama kemîneke şaneyên veşartî yên çeteyên DAIŞ`ê şehîd bibû. Konê sersaxiyê li gundê Um Qisêr ê 10 km dikeve rojhilatê navçeya Til Birakê hatiye venda.

Kon bi wêneyên şehîd Beşîr, wêneyên Rêberê Gelê Kurd Abdullah Ocalan û ala QSD`ê hatiye xemilandin.

Merasîma sersaxiyê bi rêzirgitinê dest pê kir. Paşê Hevserokê Meclisa Malatên Şehîdan a navçeya Til Hemîsê Ehmed Ebawî, endama Meclisa Malbatên Şehîdan a bajarê Qamişlo Ayida Xelîl (Dayika şehîd Orhan) û Hevseroka Meclisa Malbatên Şehîdan a Til Birak Waed Elêwî, axivîn.

Di axaftinan de sersaxî ji malbata şehîd re hat xwestin û bang li tevahî gelê Bakur û Rojhilatê Sûriyê hate kirin ku ji  şaneyên veşartî yên ji çeteyên DAIŞ`ê hişyar bin, ji ber ku armanca wan aramî û ewlehiya herêmê tevlî hev bikin û destek bidn QS`ê û hêzên Ewlekarikya Hundrîn da ku firkên çeteyên DAIŞ`ê tine bikin.

Tevî rewşa hewayî û barana dijwar ku dibe lê şênî berê xwe didin konê sersaxiyê û sersaxiyê dixwazin. Tê payîn ku sersaxî heta saetên êvarê bidome.

(bx)

ANHA