Şêniyên Tebqayê dest bi greva birçîbûnê kir

Şêniyên Tebqayê bi armanca destekdayîna Leyla Guven û 230 girtiyên di girtîgehên dewleta Tirk a dagirker de û bi dirûşma "Biratiya gelan dê planên faşîzma Tirkiyê hilweşîne" dest bi gireva birçîbûnê kir.

27 ÇILE, 2019 11:10

TEBQA

Şêniyên bajarê Tebqa û gundewarên wê û 50 endamên Saziya Malbatên Şehîdan tev li greva birçîbûnê bûne. Her wiha bi sedan şêniyên bajêr, endamên saziyên civaka sivîl û leşkerî dê tev li grevê bibin. Çalakiya greva birçîbûnê dê 4 rojan berdewam bike.

Kesên ku tev li grevê bûne li pêşiya Navenda Meclisa Malbatên Şehîdan daxuyaniyek da. Daxuyanî ji aliyê hevserokê Meclisa Malbatên Şehîdan Abdulkerîm El-Îbrahîm ve hat xwendin.

Di daxuyaniyê de bixêrhatina kesên ku tev li grevê bûne, hat kirin. Her wiha hate destnîşankirin ku ew xwediyên projeyeke mirovî ne, bi fikrên demokratîk û zimanê biratiya gelan tev digerin û greva wan a birçîbûnê ji bo destekdayîna Leyla Guven û 230 kesên di girtîgehên Tirkiyê de, di greva birçîbûnê de ne.

Paşê kesên ku tev grevê bûn, cilên taybet ku wêneyên Leyla Guven û Nasir Yagiz li ser in, li xwe kirin.

Hate zanîn ku şandeyên ji herêmên Bakur û Rojhilatê Sûriyê di nava saetên pêş de dê tev li çalakiya greva birçîbûnê bibin.

(bx)

ANHA