Navenda Înma ya zanistî 500 zarok pêşwazî dike

EHMED EL-ESSAF / REQA

Navenda Înma li bajarokê El-Hemrat ya dikeve rojhilatê bajarê Reqayê bi çavdêriya Rêxistina Înma û bi koordîneya Komîteya Perwerdê ya El-Keramê ya girêdayî Meclisa Sivîl a Reqayê hat vekirin.

Navend nêzî 500 zarok temenê wan di navbera 6-17 salî pêşwazî kirin. Navend tevî baxçeyek û dikek ji 20 refan pêk tê.

Amadebûne navendê dabeşî du beşan bûye. Danê sibehê ji zarokên ku temenê wan di navbera 6-8 saliyê de, danê êvarê jî ji zarokên ku temenê wan di navbera 9-17 saliyê de perwerde dibin.

Ji bo perwerdekirina zarokan 32 perwerdekar hatin erkdarkirin û dabeşî gelek başan bûne. Her dewreyek 3 mehan dirêj dike û piştre bi awayekî asayî dewreya din vedike.

Berdevkê navendê Mişleb El-Derwîş wiha axivî: "Me navend ji bo pêşkêşkirina alîkariya derûnî ji bo zarokan û her wiha ji bo derxistina wan ji tarîtiya DAIŞ'ê vekir. Navend bi aramnca vegerandina aramî û ewlehiyê û pêşkêşkirina alîkariya derûnî ji zarokan re û dermankirina wan ji rewşa şer û koçberbûnê hat vekirin.

Di dema dagirkeriya DAIŞ'ê de û ji ber binpêkirinên çeteyên DAIŞ’ê der heqê mamoste û zarokan de bi hezaran zarok ji xwendina xwe bê par man. Lê piştî rizgarkirina bajêr ji DAIŞ'ê, Meclisa Sivîl a Reqayê bi hemû hêza xwe xebatên vejandina bajêr didomîne.

(şx/ew)

ANHA